desember 17, 2004
Hvað skal segja !
Hreyknir flugfélagsmenn tilkynna nýja og betri bókunarvél fyrir innanlandsflug á netinu. Kíkti af forvitni og sá ÞETTA !!!
Fyrr má nú rota en dauðrota !
Hvar er metnaðurinn hjá stórfyrirtækinu að láta svona meinlega villu sjást á einni fjölsóttustu vefsíðu Íslendinga ?
(Ef einhver veit ekki hvað orðið "heimakoma" þýðir, er hægt að kynna sér það hér.)
![](http://www.ts.is/tota/images/heimakoma1.jpg)
Fyrr má nú rota en dauðrota !
Hvar er metnaðurinn hjá stórfyrirtækinu að láta svona meinlega villu sjást á einni fjölsóttustu vefsíðu Íslendinga ?
(Ef einhver veit ekki hvað orðið "heimakoma" þýðir, er hægt að kynna sér það hér.)
desember 14, 2004
Rökrétt ferli.
Ég fæ stundum að heyra það hérna heima hjá mér að ég sé að gera ALLT Í EINU. Það má vel vera, ég er oft með nokkur verkefni í gangi í einu. Hins vegar gekk ég eiginlega fram af sjálfri mér áðan, þegar það sem átti að vera einfalda aðgerðin að flytja dót úr herbergi bjarnarins fram í geymslu eða önnur herbergi hússins, varð til þess að ég þreif loftið og veggina í baðherberginu og tók til í skápnum þar líka.
Þetta er samt ákaflega rökrétt.
Björninn hefur ekki búið heima síðan í september og hefur því ýmislegt dót verið sett inn í herbergið hans, svona til bráðabirgða. Nú er björninn að flytja heim aftur og dótið þurfti að færa. Eitt af því sem þarna lá, var heil pakkning af WC-pappír sem ég keypti af birninum og félögum hans, sem eru að safna sér fyrir útskriftarferð í vor. Þessum pappír þurfti ég að koma fyrir uppi á baðskápnum og því lá það beint við að þrífa ofan af skápnum og loftið fyrir ofan hann fyrst. Svo fyrst ég var byrjuð á loftinu, kláraði ég það og tók veggina í leiðinni. Skápinn þurfti að þrífa líka, svo það var best að ljúka við það í leiðinni.
Inni í herbergi bjarnarins eru tvær eða þrjár ferðatöskur sem ég á eftir að færa. Verður gaman að vita hvort ég enda á því að taka til í geymslunni líka, eða fer bara í ferðalag með töskurnar !
Þetta er samt ákaflega rökrétt.
Björninn hefur ekki búið heima síðan í september og hefur því ýmislegt dót verið sett inn í herbergið hans, svona til bráðabirgða. Nú er björninn að flytja heim aftur og dótið þurfti að færa. Eitt af því sem þarna lá, var heil pakkning af WC-pappír sem ég keypti af birninum og félögum hans, sem eru að safna sér fyrir útskriftarferð í vor. Þessum pappír þurfti ég að koma fyrir uppi á baðskápnum og því lá það beint við að þrífa ofan af skápnum og loftið fyrir ofan hann fyrst. Svo fyrst ég var byrjuð á loftinu, kláraði ég það og tók veggina í leiðinni. Skápinn þurfti að þrífa líka, svo það var best að ljúka við það í leiðinni.
Inni í herbergi bjarnarins eru tvær eða þrjár ferðatöskur sem ég á eftir að færa. Verður gaman að vita hvort ég enda á því að taka til í geymslunni líka, eða fer bara í ferðalag með töskurnar !