mars 11, 2005
Í vinnunni
Við sitjum hér fjögur og vinnum, hvert við sína tölvu, hver og einn með sitt verkefni. Ég lauk við fyrstu drög að stórum gagnagrunni í gær og er núna að yfirfara hann miðað við forsendurnar.
Það er allt orðið hvítt fyrir utan gluggann og ekkert heyrist nema bílarnir sem keyra framhjá, smellir í músum og klikk á lyklaborðum. Veikur ómur úr heyrnartólunum hjá Tjörva, af og til tekur hann undir og syngur eina línu úr laginu fullum hálsi, stundum örlítið falskt - "Under my skin !!!" . Við erum orðin vön þessu, nema Hjalti, hann er svo nýlega byrjaður að hann fer að hlæja. Það gerði ég líka fyrst í stað en allir brandarar hætta að vera fyndnir ef þeir eru endurteknir nógu oft.
Gunnar vinur minn segir hæ á MSN, sendir mér fyndna mynd af kalli með risakött, teiknimyndafígúru og loks mynd af sjálfum sér að mjólka kú, eða a.m.k. reyna.
Ég sendi honum eina til baka og segi svo bless.
Framundan er helgi, þéttsetin, held ég verði að klóna mig til að komast yfir allt sem ég þarf að gera.
Fimmtugsafmæli, Íbúaþing, Körfuboltaleikur (Höttur-ÍA) - allt á sama tíma eða næstum því.
Synirnir eru báðir heima um helgina, nema hvað björninn þarf að vinna eina næturvakt.
Og næsta vika er að verða dálítið þéttsetin verkefnum líka - meir um það síðar - held áfram að vinna.
Það er allt orðið hvítt fyrir utan gluggann og ekkert heyrist nema bílarnir sem keyra framhjá, smellir í músum og klikk á lyklaborðum. Veikur ómur úr heyrnartólunum hjá Tjörva, af og til tekur hann undir og syngur eina línu úr laginu fullum hálsi, stundum örlítið falskt - "Under my skin !!!" . Við erum orðin vön þessu, nema Hjalti, hann er svo nýlega byrjaður að hann fer að hlæja. Það gerði ég líka fyrst í stað en allir brandarar hætta að vera fyndnir ef þeir eru endurteknir nógu oft.
Gunnar vinur minn segir hæ á MSN, sendir mér fyndna mynd af kalli með risakött, teiknimyndafígúru og loks mynd af sjálfum sér að mjólka kú, eða a.m.k. reyna.
Ég sendi honum eina til baka og segi svo bless.
Framundan er helgi, þéttsetin, held ég verði að klóna mig til að komast yfir allt sem ég þarf að gera.
Fimmtugsafmæli, Íbúaþing, Körfuboltaleikur (Höttur-ÍA) - allt á sama tíma eða næstum því.
Synirnir eru báðir heima um helgina, nema hvað björninn þarf að vinna eina næturvakt.
Og næsta vika er að verða dálítið þéttsetin verkefnum líka - meir um það síðar - held áfram að vinna.
mars 07, 2005
Ein fjöður - fimm hænur !
Sú landlæga hegðun manna að spjalla um náungann, hvað hann er að gera, hvert hann er að fara og öll möguleg afbrigði í því sem stundum er "kjaftasögur", birtist okkur um helgina. Nágrannakona okkar, sem við erum búin að þekkja mjög lengi og eiga við ánægjuleg samskipti til margra ára, kom til okkar á laugardaginn og sagðist þurfa að fá svar við ákveðinni spurningu, sem sé hvort við værum að fara að flytja. Hún hafði lent í samsæti með hóp af fólki, og kona nokkur hafði tjáð henni að við værum búin að selja húsið okkar, kaupa á Egilsstöðum og værum að fara að flytja alveg á næstunni. Við erum bara ekkert að fara að selja né flytja, hefur ekkert verið á döfinni einu sinni. Hins vegar eru hjón sem búin eru að búa á Hallormsstað mjög lengi að auglýsa húsið sitt til sölu og ætla sér að flytja í Egilsstaði. Og svo fer fólk að draga ályktanir og bæta við og endirinn verður þessi.
