ágúst 25, 2006
Í firðinum fyrir sunnan
Í gær ókum við hjónin sem leið liggur norður um til Akureyrar, þaðan áfram alla leið í Hafnarfjörð. Dveljum þessa stundina hjá frumburðinum, Björninn er hér líka, þar sem hann er enn ekki búinn að fá íbúðina sína afhenta. Heiður Ösp hefur stækkað heilmikið og mannast á þessum tæpa mánuði sem liðinn er síðan ég sá hana síðast. Algjör rúsína þessi stelpa !
Við vorum með ýmislegt á dagskránni - í dag fór ég á einn fund og bóndinn á annan, ég kíkti til frænda míns sem býr hér í nágrenni við frumburðinn, í kvöld var svo farið í Hamrahlíðina. Auk þess höfum við farið í búðir og snattað sitthvað smálegt í borginni.
Við vorum með ýmislegt á dagskránni - í dag fór ég á einn fund og bóndinn á annan, ég kíkti til frænda míns sem býr hér í nágrenni við frumburðinn, í kvöld var svo farið í Hamrahlíðina. Auk þess höfum við farið í búðir og snattað sitthvað smálegt í borginni.
ágúst 21, 2006
Baggalútar og blíða
Ég stóð við það að fara á tónleika með Baggalúti í gær. Þeir stóðu algerlega undir væntingum. Þeir voru samt latir við aukalögin, því hitinn var að drepa þá, þeir líka klæddir eins og asnar. Og harðneituðu að fækka fötum. Trabant hefði örugglega fílað sig vel. Skilst að þeir vilji helst koma fram á nærklæðunum. Björninn minn fór suður í gær, leit ekki vel út um hádegið því allar vélar voru fullar og ekkert útlit á að hægt væri að hoppa eins og hann hafði ætlað sér. Það leystist þó þegar vinur hans, flugneminn, birtist af himnum ofan og bauð honum far með sér suður, sem hann auðvitað þáði.
