maí 28, 2005
Aðeins hlýrra
Þá er aðeins farið að hlýna. Ótrúlegt hvað munar mikið um 3-4 gráður í hita.
Við vinnufélagarnir í Tölvusmiðjunni hittumst eftir vinnu í gær uppi í Eyjólfsstaðaskógi, grilluðum, fórum í ratleik og skemmtum okkur bara vel. Það voru töluvert mörg börn í hópnum sem kunnu vel að meta það að fara og finna eldivið, hlaða bálköst í eldstæðinu og sjá svo um að tína í hann kubba til að halda eldinum við. Allir voru farnir af stað heim um níu-leytið.
Bóndinn var að vinna í dag og ég fór að vinna úti í garði, þar sem hitamælirinn sýndi næstum 9°. Ég var búin að gera það sem ég ætlaði mér og var að ganga frá verkfærum, þegar ég rak hausinn upp undir bita. Var sem betur fer með húfu, en fann samt að eitthvað lét undan og blóðið rann fram á ennið á mér. Er með tveggja sentimetra skurð á hvirflinum, það blæðir svolítið en ég ætla ekki að fara til læknis. Það er svo kauðalegt að þurfa láta sauma saman á sér hausinn eins og einhver krakkaklaufi.
Við vinnufélagarnir í Tölvusmiðjunni hittumst eftir vinnu í gær uppi í Eyjólfsstaðaskógi, grilluðum, fórum í ratleik og skemmtum okkur bara vel. Það voru töluvert mörg börn í hópnum sem kunnu vel að meta það að fara og finna eldivið, hlaða bálköst í eldstæðinu og sjá svo um að tína í hann kubba til að halda eldinum við. Allir voru farnir af stað heim um níu-leytið.
Bóndinn var að vinna í dag og ég fór að vinna úti í garði, þar sem hitamælirinn sýndi næstum 9°. Ég var búin að gera það sem ég ætlaði mér og var að ganga frá verkfærum, þegar ég rak hausinn upp undir bita. Var sem betur fer með húfu, en fann samt að eitthvað lét undan og blóðið rann fram á ennið á mér. Er með tveggja sentimetra skurð á hvirflinum, það blæðir svolítið en ég ætla ekki að fara til læknis. Það er svo kauðalegt að þurfa láta sauma saman á sér hausinn eins og einhver krakkaklaufi.
